Mövcud 1176 şagird yerlik məktəb  binasının əsaslı təmiri və yeni 1200 şagird yerlik tədris müəssisənin təmir-tikinti işləri cəmiyyətimizə həvalə olunmuşdur. 

Mövcud 1176 şagird yerlik məktəb  binası 1980-ci illərdə tikilmişdir.

Məktəb  binası 1,2 və 3 mərtəbəli olaraq mürəkkəb formalıdır. Məktəbin qabarit  ölçüləri  109.6 x 50.90 m-dir. Mərtəbə hündürlüyü 3.30 m-dir. Binanın konstruktiv sxemi dəmir-beton tərkibli daş konstruksiyalıdır. Mövcud binanın  xarici və daxili yükdaşıyan divarları və bəzi arakəsmələr mişarlanmış əhəng daşından tikilmişdir.

Mərtəbə arası örtük konstruksiyaları boşluqlu dəmir-betondandır.

Əsaslı təmir-tikinti işləri zamanı məktəb binasının daxilində mövcud qapılar, pəncərələr, döşəmələr sökülərək yenisi ilə əvəzlənir. Giriş hissədə olan qapı və pəncərələr alüminium, daxili qapılar mdf tipli, pəncərələr pvc tipli pəncərəaltı lövhələr plastikdən, sinif otaqları, əmək təlimi, akt zalı, kitabxanada döşəmə taxtadan nəzərdə tutulmuşdur.

Divar və tavan emulsiya boyası  ilə rənglənir.

Binanın daxilindəki bütün mühəndis qurğuları, işıq, su, kanalizasiya şəbəkələri yenisi ilə əvəz edilir. Dam örtüyü metal kirəmitlə örtülür, ağac konstruksiyalar yenisi ilə əvəzlənir.